Yahan Har Shakhs Har Pal Hadsa Hone Se Darta Hai
یہاں ہر شخص ہر پل حادثہ ہونے سے ڈرتا ہے
کھلونا ہے جو مٹی کا ،،فنا ہونے سے ڈرتا ہے
مرے دل کے کسی کونے میں اک معصوم سا بچہ
بڑوں کی دیکھ کر دنیا ،،بڑا ہونے سے ڈرتا ہے
نہ بس میں زندگی اس کے ،نہ قابو موت پر اس کا
مگر انسان پھر بھی کب خدا ہونے سے ڈرتا ہے
عجب یہ زندگی کی قید ہے دنیا کا ہر انساں
رہائی مانگتا ہے،،،، اور رہا ہونے سے ڈرتا ہے
Comments
Post a Comment